Ўзбекистон футбол ассоциацияси томонидан юртимизда фаолият олиб бораётган мураббийларга таълим бериш билан бирга уларнинг билимларини мунтазам равишда янгилаб бориш йўлида ҳам кўплаб чора-тадбирлар амалга оширилмоқда.
Жумладан, мураббийлар учун билимларни янгилаш бўйича ЎФАнинг биринчи модул ўқув-курслари бўлиб ўтмоқда. Мазкур курсларда Дмитрий Ким инструктор сифатида, Даврон Қудратуллаев эса координатор сифатида фаолият юритяпти.
Шу йилнинг 29 апрель - 2 май кунлари мазкур курсларнинг иккинчи модули бўлиб ўтади. Унда мураббийлар амалий ва назарий имтиҳонлар топширишади. Имтиҳонлардан муваффақиятл ўтган мураббийлар уч йил давомида мураббийлик фаолияти билан шуғулланишлари мумкин бўлади.
