8-апрель куни Тошкентда ЎФАнинг инструкторларни тайёрлаш ўқув курси бошланди. Бу курс "Чиғатой" спорт мажмуасида бўлиб ўтмоқда. Мазкур курсда ФИФА ва ОФК инструктори Ислом Ахмедов фаолият юритмоқда, унга координатор сифатида Кудратуллаев Даврон ёрдам бермоқда. Ўқув курсларини бошлашдан аввал ЎФА Тренерлик таълими департаменти директори Шавкат Имамов томонидан йиғилганларга тақдимот ўтказилди. Курсда жами 19та бўлажак инструкторлар, жумладан: Лян Александр, Тимур Кападзе, Исеев Шамил иштирок этмоқда. Имтиҳонлардан муваффақиятли ўтганлар ОФК инструктори бўлиш учун ўқишга тавсия қилинади. Мазкур курс 14-апрелгача давом этади.
