Олмалиқ шахрида 30 сентябр куни ЎФА нинг "Д" лицензияси учун тренерлик курсларига старт берилди. Ушбу курсда инструкторлик вазифасини ЎФА инструктори Бахром Умаров бажармоқда. Унга координатор сифатида Даулетбай Джалимов ассистентлик қилмоқда. Мазкур курсларда 18 нафар мураббий қатнашмоқда. Мазкур ўқув курси 7 кун давом этади.
Ўқув курси давомида мураббийларга назарий ва жисмоний машғулотлар ўргатилади. Ушбу ўқув курси 6 октябрга қадар давом этади. Айтиб ўтиш лозим, имтихонларни муваффаққиятли топширган тренерлар 3 йиллик "Д" лицензиясини қўлга киритадилар.
