Тошкентда "С" лицензияси бўйича ЎФА мураббийлик курслари бошланди. Мазкур курсларни Юрий Асланов ўтказяпти. Унга Аброр Бойкобилов ассистентлик қилмоқда. Ўқув курслари назарий ва амалий машғулотларни ўз ичига олади.
"С" лицензияси бўйича ЎФА мураббийлик курсларида 20 нафар мураббий таълим оляпти. Улар орасида Махмудов Алишер, Спиридонов Михаил, Артур Парванов каби собиқ футболчилар бор. Ўқув курслари 25 июл куни якунига етади.
Курсларни муваффақиятли якунлаган мураббийлар 3 йилга мўлжалланган ЎФАнинг мурабийлик бўйича "С" лицензиясини қўлга киритишади.
