25 dekabr kuni Toshkentda futzal murabbiylari uchun OFKning Level 1 o'quv-kurslari boshlandi. O'quv kurslarini FIFA va OFK instruktori eronlik Parnov Abdulhussayn olib bormoqda. Unga koordinator sifatida Avaz Maxsumov tayinlangan.
Mazkur o'quv kurslari "Milliy" stadionda bo'lib o'tyapti, unda 17 nafar murabbiylar ishtirok etmoqda. Murabbiylar kurslar davomida nazariy va amaliy mashg'ulotlar olib borishmoqda.
O'quv kurslari 30 dekabrga qadar davom etadi. Imtihonlarni muvaffaqiyatli yakunlagan murabbiylarga OFKning Level 1 xalqaro sertifikatlari topshiriladi.
