Ўзбекистон Футбол Ассоциацияси мамлакатимиздаги тренерлар малакасини ошириш ва бу йўналишдаги ишларни ривожлантириш мақсадида бир қатор чора-тадбирларни амалга оширмоқда.
Жумладан, жорий йилнинг 15 апрель куни Тошкентда жисмоний тайёргарлик бўйича тренерлар учун ОФКнинг Level А 1 ўқув-курслари бошланди. Ўқув курсларини ФИФА ва ОФК инструктори иорданиялик Муҳаммад Тиябат олиб боряпти. Курсларда жами 16 нафар жисмоний тайёргарлик бўйича тренерлар иштирок этишмоқда.
Ўқув курслари 19 апрелга қадар давом этади. Имтиҳонларни муваффақиятли якунлаган тренерларга ОФКнинг Level 1 А халқаро сертификатлари топширилади.
